Yaqin kunlarda Toshkent shahriga Xitoyning 200 dona “Yutong” elektrobusi olib kelinadi. Bu haqda “Toshshahartransxizmat” AJ matbuot xizmatiga tayanib "Xalq so‘zi" nashri veb sayti xabar berdi.
Foto: “Toshshahartransxizmat” AJ
Maʼlum qilinishicha, joriy yilning 26-iyun kuni Xitoyning “Yutong Co. Ltd.” kompaniyasi tomonidan ishlab chiqarilgan 10 minginchi avtobus oʻzining foydalanuvchisiga topshirilgan. Marosimda Oʻrta Osiyo davlatlaridan jamoat transporti sohasiga aloqador idora va tashkilot vakillari, xodimlari qatnashgan.
Taʼkidlanishicha, Markaziy Osiyo uchun maxsus ishlab chiqilgan mazkur, 10 minginchi avtobus “Toshshahartransxizmat” tomonidan xarid qilingan.
Eslatib oʻtamiz, 2025-yilning fevral oyida Transport vaziri Ilhom Mahkamov Xitoyning “Yutong Bus” kompaniyasi xalqaro marketing boʻyicha vitse-prezidenti Syuy Pen bilan uchrashgan edi.