Xitoy Xalq Respublikasining Shinjon-Uyg‘ur avtonom rayonida boy tarixni o‘zida mujassam etgan Turfan shahri joylashgan. Bu yer nafaqat mevalarga boy o‘ziga xos maskan, balki hududning muhim madaniy markazi deya e’tirof etiladi.
Foto: ipaknews.uz
Shaharning diqqatga sazovor joylaridan biri Turfan tarixi muzeyi sanaladi.
Foto: ipaknews.uz
Majmuada qadimdan to yaqin tarixgacha bo‘lgan eksponatlarni ko‘rish mumkin. Muzeyning har bir zalida bu yerlarda istiqomat qilgan xalqlarning tarixi, madaniyati va san’ati, yashash tarzi haqida qimmatli ma’lumotlar berilgan.
Foto: ipaknews.uz
Qayd etilishicha, majmuaning maydoni taxminan ikki gektarni tashkil etadi. Ko‘rgazma galereyalarining umumiy maydoni esa 4278 kvadrat metrga yetadi.
Bu yerda Turfan shahri tarixining muhim bosqichlaridan dalolat beruvchi arxeologik topilmalar va madaniy yodgorliklar taqdim etilgan.
Foto: ipaknews.uz
Muzeyda, shuningdek, qadimiy tangalar, tosh qurollar, tilla taqinchoqlar va boshqa noyob kolleksiyalar yig‘ilganlarni hayratga soladi.
Muassasani ko‘zdan kechirib Buyuk ipak yo‘lining chorrahasida joylashgan Turfan haqida to‘liq ma’lumot olish mumkin.
Foto: ipaknews.uz