2012-yilda har kuni 400 dan kam transport vositasi qatnagan va yangi ochilgan temir yo’l o’tish joyida faqat bitta yuk poezdi harakatlangan. Biroq, bugungi kunda har kuni 27 ta “Xitoy-Yevropa” yuk poezdlari va 1800 ta turli xil transport vositalari harakatlanadi, yillik yuk tashish hajmi 45,5 million tonnadan oshdi hamda bu ko’rsatkich 2012-yilga nisbatan 2,74 baravar ko’pdir. Yuk tashish hajmi keskin oshgan bo’lsa-da, bojxonadan o’tish vaqti sezilarli darajada kamayib, 30 soatdan 5 soatgacha qisqardi hamda samaradorlik 80% ga oshdi.
Xitoy va Qozog’iston o’rtasidagi muhim chegara shahri sifatida Xorgos 40 dan ortiq chegaralararo elektron tijorat korxonalarini jalb qildi. Xorgos shahar tijorat ma`muriyatining statistik ma`lumotlariga ko’ra, joriy yilning yanvar-iyul oylarida chegaralararo elektron tijorat orqali savdo hajmi 29,148 milliard yuanni tashkil etdi va bu ko’rsatkich o’tgan yilga nisbatan 814,2 foizga o’sdi. Hozirgi vaqtda biznes faolligi 20 dan ortiq mamlakat va mintaqalarga tarqaldi, mahsulot turlari kundalik ehtiyojlardan yangi energiya mahsulotlari va mexanik qismlar kabi sanoat toifalarigacha kengaydi.
