Wizz Air" aviakompaniyasi Yevropa poytaxtlari va O'zbekiston shaharlari o'rtasida to'g'ridan to'g'ri reyslarni yo'lga qo'yadi
foto:Wizzair.com
O'zbekistonning Vengriyadagi elchisi Oybek Shaxavdinov Budapeshtda "Wizz Air" kompaniyasi prezidenti Robert Keri bilan uchrashdi.
Muloqot chog'ida "Wizz Air" aviakompaniyasining O'zbekiston aviatsiya bozoridagi ishtirokini kengaytirish yuzasidan atroflicha fikr almashildi.
Aviakompaniya Yevropa poytaxtlari va O'zbekiston shaharlari o'rtasida to'g'ridan to'g'ri reyslarni yo'lga qo'yishdan manfaatdor ekani ta'kidlandi.
Muzokaralar davomida, shuningdek, "Wizz Air" bosh direktori Yozef Varadi boshchiligidagi delegatsiyaning Toshkent shahriga rejalashtirilgan safari muhokama qilindi.