Xitoyning Shinjon-Uyg‘ur muxtor hududiga qarashli Turfon shahridagi Toksun tumanida pion gullarining ochilishiga bag‘ishlangan festival boshlandi. Tadbir Linxay gul bog‘ida o‘tkazilmoqda va may oyining boshigacha davom etadi.
Festivalning asosiy maqsadi “gullash iqtisodiyoti”ni rivojlantirish bo‘lib, u qishloq xo‘jaligi, madaniyat, savdo, sanoat va turizm sohalarini yagona tizimga birlashtirishni nazarda tutadi. Bu yondashuv tabiiy resurslarni barqaror iqtisodiy o‘sish manbaiga aylantirish va mahalliy iqtisodiyotni rag‘batlantirish imkonini beradi.
Ochilish kunida konsert dasturlari va madaniy tadbirlar tashkil etildi. Hududda dam olish maskanlari, gastronomik zonalar hamda mahalliy mahsulotlar savdosi yo‘lga qo‘yilgan. Tashrif buyuruvchilar nafaqat gullardan bahramand bo‘lish, balki hudud madaniyati va mahsulotlari bilan yaqindan tanishish imkoniga ega.
Pion ekin maydonlari 300 mudan ortiq (taxminan 20 gektar) hududni egallaydi. Bog‘ agrar ishlab chiqarish va turizm funksiyasini uyg‘unlashtirib, ayniqsa gullash davrida sayyohlarni jalb qilmoqda.
Toksun tajribasi “gullash iqtisodiyoti” orqali qishloq hududlari iqtisodiyotini diversifikatsiya qilish va o‘xshash tabiiy sharoitlarga ega mintaqalarda yangi o‘sish nuqtalarini yaratish mumkinligini ko‘rsatmoqda.
