Qirg‘izistonda soat 20:15 da sodir bo‘lgan zilzila kuchi Toshkent shahri, Sirdaryo va vodiy viloyatlarida ham sezildi (2 ball).
18-aprel kuni soat 20:15 da Qirg‘izistonda sodir bo‘lgan zilzila ta’siri O‘zbekistonning ayrim viloyatlarida ham sezildi. Bu haqda Seysmoprognostik monitoring respublika markazi ma’lum qildi.
Epitsentrdagi zilzila magnitudasi — 5,2. Chuqurligi esa 120 kilometrni tashkil qilgan. Zilzila epitsentridan Toshkentgacha bo‘lgan masofa — 191 km janubiy-sharqda.
O‘zbekiston Respublikasi hududida sezilish kuchi:
- Farg‘ona viloyatida 2 ball, 125 km.
- Andijon viloyatida 2 ball, 162 km.
- Namangan viloyatida 2 ball, 163 km.
- Sirdaryo viloyatida 2 ball, 189 km.
- Toshkent shahrida 2 ball, 190 km.