Dushanbega tashrif chog‘ida O‘zbekiston Prezidenti Shavkat Mirziyoyev Tojikiston Prezidenti Emomali Rahmon bilan birgalikda poytaxt Ekspo markazida tashkil etilgan O‘zbekiston sanoat ko‘rgazmasiga tashrif buyurdi. Bu haqda Shavkat Mirziyoyev matbuot xizmati xabar berdi.
Qayd etilishicha, yetakchilar “Made in Uzbekistan” brendi ostida tashkil etilgan pavilon bilan tanishganlar. Unda mamlakatimiz avtomobilsozligining yuqori texnologik mahsulotlari, elektr va qishloq xo‘jaligi texnikasi, tayyor oziq-ovqat mahsulotlari, kimyo, to‘qimachilik, farmatsevtika va boshqa sanoat tarmoqlarining tovarlari namoyish etilgan.
Davlat rahbarlari yetakchi korxonalar kooperatsiyasini kengaytirish, o‘zaro tajriba va texnologiyalar bilan almashish zarurligini ta’kidladilar.