Joriy yilning 23-28-aprel kunlari mamlakatimizda xokkey bo‘yicha 18 yoshgacha bo‘lgan sportchilar toifasidagi jamoalar o‘rtasida Osiyo va Okeaniya kubogi musobaqalari bo‘lib o‘tadi. Bu haqda O‘zbekiston milliy axborot agentligi xabar berdi.
Qayd etilishicha, mazkur bahslar oldidan tashkiliy qo‘mita tomonidan o‘yinlar taqvimi e’lon qilindi. Unga ko‘ra, O‘zbekiston U-18 terma jamoasi ilk uchrashuvni 23-aprel kuni Eron terma jamoasiga qarshi o‘tkazadi.
Shuningdek, mamlakatimiz yosh xokkeychilari 25-aprelda Malayziya, 27-aprel kuni Quvayt, 28-aprelda esa Tailand terma jamoalari bilan kuch sinashishi belgilandi.
Osiyo va Okeaniya kubogi o‘yinlari Toshkent hamda Samarqand shaharlarida tashkil etiladi.