Birlashga Arab Amirliklarining Dubay shahrida yengil atletika bo‘yicha yoshlar o‘rtasidagi Osiyo chempionati o‘z nihoyasiga yetdi. E'tiborli jihati unda O‘zbekiston terma jamoasi 4 ta oltin, 1 ta kumush va 2 ta bronza, jami 7 medal jamg‘arib, to‘rtinchi o‘rinni egalladi.
Chempionatda vakillarimizdan Xushnoza Shavkatova uch hatlab sakrashda, Barno Sayfullayeva balandlikka sakrashda, Nodir Norboyev ko‘pkurashda va Jonbibi Hukmova 400 metr masofaga yugurishda oltin medalga sazovor bo‘ldi.
Foto: Uza.uz
Shuningdek, Dilshoda Usmonova 3000 metrga o‘tgan stipl-chez bahsida kumush, ushbu yo‘nalishda yana bir atletimiz Mashhura Soibova esa bronza medalini qo‘lga kiritdi. Balandlikka sakrash musobaqasida Emiliya Rudina shohsupaning uchinchi pog‘onasidan joy oldi.