Qatar poytaxti Doha shahrida 23 yoshgacha bo‘lgan futbolchilar o‘rtasida Osiyo kubogi yarim final bellashuvlariga start berildi. E'tiborli jihati unda O‘zbekiston olimpiya terma jamoasi Indoneziya termasi bilan kuch sinashdi.
Temur Kapadze shogirdlari mazkur o‘yinda 2:0 hisobida ishonchli g‘alabaga erishdi va Osiyo kubogi finali hamda eng muhimi futbolimiz tarixida ilk marotaba Olimpiya o‘yinlari yo‘llanmasini qo‘lga kiritdi.
Shu tariqa, O‘zbekiston olimpiya terma jamoasi "Parij-2024" Olimpiadasi yo‘llanmasini qo‘lga kiritdi. Bu tarixiy natija sanaladi. Shu kunga qadar vakillarimiz futbol bo‘yicha jahon olimpiadasida ishtirok etmagan.
O‘zbekiston Olimpiya terma jamoasi finalda Yaponiya—Iroq juftligi g‘olibi bilan bahs olib boradi.