Samarqand viloyati Urgut tumanida opiy giyohvandlik moddasini sotishga uringan shaxs qoʻlga olindi. Bu haqda "Xalq so‘zi" onlayn nashri viloyat IIB axborot xizmatiga tayanib xabar berdi.
Foto: xs.uz
Qayd etilishicha, viloyat IIB xodimlari tomonidan Samarqand shahrida tezkor tadbir oʻtkazilgan.
Unda 47 yoshli fuqaro 1 kilogramm opiy giyohvandlik moddasini xaridorga 150 million soʻmga sotayotgan vaqtida daliliy ashyolar bilan qoʻlga olingan.
Surishtiruv ishlari davomida mazkur shaxsning vaqtincha yashash manzili yotoqxonasidan gashish va opiy saqlab kelayotgani maʼlum boʻlgan.
«Holat yuzasidan toʻplangan hujjatlar tergov boshqarmasiga topshirilgan, holat yuzasidan surishtiruv ishlari davom etmoqda», deyiladi xabarda.