O‘zbekiston tashqi ishlar vaziri Baxtiyor Saidov 8-9-may kunlari Islomobodga rasmiy tashrifi davomida Pokiston Xalq partiyasi raisi Bilaval Bhutto Zardoriy bilan uchrashdi. Bu haqda vazir o‘zining telegramdagi sahifasida ma'lum qilgan.
"Pokistonga tashrifimiz chog‘ida Pokiston Xalq partiyasi raisi Bilaval Bhutto Zardoriy janoblari bilan samimiy uchrashuv o‘tkazdik. Uning O‘zbekiston va Pokiston o‘rtasidagi do‘stlikni har tomonlama mustahkamlash yo‘lidagi harakatlarni samimiy qo‘llab-quvvatlashini yuksak qadrlaymiz. – deb yozgan Baxtiyor Saidov
Eslatib o‘tamiz avvalroq Baxtiyor Saidov Pokiston prezidenti Asif Ali Zardoriy bilan uchrashgan edi.