Oliy Majlis Senati Raisi Tanzila Narbayeva Ozarbayjonning O‘zbekistondagi Favqulodda va Muxtor Elchisi Guseyn Guliyevni qabul qildi.
Foto: Senat.uz
Tomonlar ikki davlat yetakchilarining qatʼiy siyosiy irodasi va o‘zaro ishonchga asoslangan do‘stona munosabatlari tufayli O‘zbekiston hamda Ozarbayjon o‘rtasidagi hamkorlik rivojlanib borayotganini alohida taʼkidladilar.
Muloqot chog‘ida mamlakatlar o‘rtasidagi savdo-iqtisodiy, madaniy-gumanitar va parlamentlararo aloqalarning bugungi holati va istiqbollari yuzasidan fikr almashildi.
O‘zbekiston va Ozarbayjon parlamentlari o‘rtasida shakllangan munosabatlarning bugungi kundagi yuqori darajasidan kelib chiqib, kelgusi rejalar muhokama qilib olindi.