2019-yildan beri Indoneziyaning O‘zbekistondagi favqulodda va muxtor elchisi sifatida ishlab kelgan Sunario Kartadinata 74 yoshida Toshkentda vafot etdi.
Indoneziyaning O‘zbekistondagi favqulodda va muxtor elchisi Sunario Kartadinata 13-iyun kuni Toshkent shahrida vafot etdi. Bu haqda elchixona matbuot xizmati xabar berdi.
1950-yilda tug‘ilgan elchi payshanba kuni soat 18:30 larda olamdan o‘tgan. Elchixona uning o‘limi sababiga aniqlik kiritmadi.
U 2019-yildan beri O‘zbekistonda diplomatik faoliyatini olib borayotgandi.
Tibbiyot fanlari magistri, professor Sunario Kartadinata bir vaqtning o‘zida Indoneziyaning Qirg‘izistondagi elchisi ham edi.